ТОҶИКИСТОН БАРОИ ЭРОН МУТАХАССИС ТАЙЁР МЕКУНАД

               Душанбе, 10 апрел. (АМИТ «Ховар», Лаззат Диловарзод).- Бино ба иттилои сардори раёсати байналмилалии Вазорати маорифи ҷумҳурӣ Абдулазиз Ваҳобов, айни ҳол дар донишгоҳу донишкадаҳои Ҷумҳурии Тоҷикистон беш аз 434 донишҷӯёни эронӣ таҳсили илм мекунанд, ки ин нишона аз сатҳи баланди илмомӯзӣ дар муассисаҳои илмию таълимии кишвари мо , пеш аз ҳама дар муассисаҳои тиббӣ арзёбӣ мегардад.              Чанд сол пеш дар Тоҷикистон наздик ба 40 нафар донишҷӯёни эронӣ дар муассисаҳои илмию таълимии Тоҷикистон ба таҳсил фаро гирифта шуда буд.               Имрӯз ҳамчунин шумораи донишҷӯёни Тоҷикистон дар Ҷумҳурии Исломии Эрон хеле зиёд аст ва онҳо дар бахшҳои мухталифи донишгоҳҳои ин кишвар ба таҳсил фаро гирифта шудаанд.