ВАКИЛОН БО ИНТИХОБКУНАНДАГОН ВОМЕХӮРАНД

                  Душанбе, 20 апрел.(АМИТ «АМИТ «Ховар», Марзия Саидова).-Масъалаи гузаронидани вохӯрии вакилон бо интихобкунандагон оид ба Паёми Президенти Ҷумҳурии Тоҷикистон Эмомалӣ Раҳмон ба Маҷлиси Олӣ 20 апрел дар ҷаласаи Шӯрои палатаи поёнии парлумони мамлакат, ки таҳти раёсати Раиси Маҷлиси намояндагони Маҷлиси Олии ҷумҳурӣ Сайдулло Хайруллоев баргузор шуд, баррасӣ гардид.                 Дар ҷаласа, ҳамзамон лоиҳаи Қонунҳои Ҷумҳурии Тоҷикистон «Дар бораи ба меъёрдарории техникӣ», «Дар бораи барӯйхатгирии аҳолӣ», «Дар бораи таҳсилоти олии касбӣ ва таҳсилоти касбии баъд аз муассисаи олии таълимӣ», «Дар бораи бақайдгирии давлатии шахсони ҳуқуқӣ ва соҳибкорони инфиродӣ», лоиҳаи Қонунҳои Ҷумҳурии Тоҷикистон «Оид ба ворид намудани тағйиру иловаҳо ба Қонунҳои Ҷумҳурии Тоҷикистон «Дар бораи ҷамъиятҳои саҳҳомӣ», «Дар бораи муфлисшавӣ», «Дар бораи маориф», «Дар бораи туризм», «Дар бораи захираи моддии давлатӣ», «Дар бораи статуси пойтахти Ҷумҳурии Тоҷикистон» баррасӣ шуданд.