ЗИЁНИ БОРОНҲОИ ПАЙ ДАР ПАЙ

                Душанбе, 22 апрел. (АМИТ «Ховар», Жасмин Назарова). — Рӯзи 21 апрели соли ҷорӣ соати 03:25 бо сабаби боридани борони пай дар пай сатҳи оби канал дар кӯчаи Титови пойтахт баланд шуда, ба хонаҳои истиқоматии 96, 98, ва 112 ворид гардидааст. Дар натиҷа девори як хонаи истиқоматӣ фурӯ рафтааст.                Тибқи иттилои сардори маркази матбуоти Кумитаи ҳолатҳои фавқулодда ва мудофиаи граждании ҶТ Дустмурод Забиров, инчунин ба хонаи истиқоматии шаҳрванд О. Қурбонова, бо нишонии кӯчаи Фучик, 109 низ, сел ворид гардида, девори хона аз ин сабаб фурӯ рафтааст.                Корҳои бартарафсозии оқибати офати табиӣ аз тарафи кормандони Ситод оид ба ҳолатҳои фавқулодда ва мудофиаи граждании шаҳри Душанбе ва наҷотдиҳандагони Маркази наҷотдиҳии Кумита ба роҳ монда шудааст.                Талафот ба қайд гирифта нашудааст.