ҚАБУЛИ ҚОНУН «ДАР БОРАИ ҲИФЗИ МЕҲНАТ» САРИВАҚТИСТ

                      Душанбе, 7 май (АМИТ «Ховар», Лаззат Диловарзод).- Тибқи маълумоти омори расмӣ танҳо соли 2007 дар ҷумҳурӣ дар натиҷаи ҳодисаҳои нохуш дар истеҳсолот 85 нафар кормандон захм бардоштанд. Аз ин теъдоди зарардидагон 17 нафарашон фавтиданд, ки сабаби он аз ҷониби корфармоён таъмин нашудани қоидаҳои ҳифзи меҳнат дар корхонаҳо мебошад.                        Ҷиҳати таъмини бехатарӣ ва ҳифзи саломатии кормандон дар лоиҳаи Қонун «Дар бораи ҳифзи меҳнат», ки аз ҷониби парлумони кишвар қабул гардид, татбиқ намудани маҷмӯи чорабиниҳои ҳуқуқиву ташкилӣ, иҷтимоию иқтисодӣ, санитарию гигиенӣ ва табобатию пешгирикунанда муқаррар карда шуданд, — иброз дошт вазири меҳнат ва ҳифзи иҷтимоии аҳолӣ Шукурҷон Зуҳуров.