ҚАБУЛИ ЭЪТИБОРНОМАИ САФИРИ ТУРКМАНИСТОН
Душанбе, 29 май. (АМИТ «Ховар», Фарангис Раҳимова). — Президенти Ҷумҳурии Тоҷикистон Эмомалӣ Раҳмон дирӯз эътиборномаи сафири нави Туркманистон дар Тоҷикистон Нурбердӣ Амонмуродовро қабул намуд. Сафири Туркманистон баъди маросими супурдани эътиборнома ва мулоқоташ бо Президент дар ҷараёни сӯҳбати мухтасар бо хабарнигорон изҳор намуд, ки аз мулоқот бо Сарвари давлат таассуроти калон ҳосил кардааст. Вай аз натиҷаҳои мулоқот изҳори қаноатмандӣ намуд. Сӯҳбати мо бо Президент самимона ва самарабахш буд. Мо масъалаҳои гуногуни марбут ба муносибатҳои мамлакатҳоямон ва нақшаҳои ояндаи ҳамкории дуҷонибаро баррасӣ намудем. Табиист, ки Тоҷикистону Туркманистон умумиятҳои зиёди таърихию фарҳангӣ доранд. Онҳо дар созмонҳои минтақавию байналхалқӣ мавқеи ҳамдигарро дастгирӣ менамоянд. Вақте, ки Туркманистон соли 1995 мавқеи бетарафӣ ишғол намуд, Тоҷикистон яке аз аввалин мамлакатҳои минтақа буд, ки ин иқдоми маъмурияти давлати моро дастгирӣ намуд. Ду сол пеш дар Ашқобод Маркази дипломатияи пешгирикунандаи Осиёи Марказӣ кушода шуд, Тоҷикистон дар ин масъала низ моро дастгирӣ кард. Муносибатҳои дӯстонаю бародаронаи Тоҷикистону Туркманистон сол то сол мустаҳкамтар мегарданд. Президенти Тоҷикистон изҳор намуд, ки муносибатҳои мо дар оянда низ бояд густариш дода шаванд. Имрӯз дар Тоҷикистон теъдоди хеле зиёди туркманҳо зиндагӣ мекунанд. Онҳо аз сиёсати Ҳукумати Тоҷикистон розианд. Ин шаҳодат медиҳад, ки дар байни мамлакатҳои мо ягон проблема вуҷуд надорад. Тоҷикистон барои равнақу ривоҷи соҳаи туризми байналхалқӣ имкониятҳои калон дорад. Мо дар ин соҳа самарабахш ҳамкорӣ карда метавонем. Сафири Туркманистон дар фарҷоми сӯҳбат зикр кард, ки ҳаёти осудаи имрӯзаи Тоҷикистон натиҷаи ҷидду ҷаҳд ва азму талоши халқ ва Президенти мамлакат мебошад.
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
