&#1178АНОАТМАНДИИ &#1202. ЗАРИФӢ ВА А. ҚАРҚОШ АЗ САТҲИ ҲАМКОРИ&#1202О

                        Душанбе, 25 май. (АМИТ «Ховар», Фарангис Раҳимова). — Вазири корҳои хориҷии Ҷумҳурии Тоҷикистон Ҳамрохон Зарифӣ дар ҳошияи иштирокаш дар кори иҷлосияи 36-уми Шӯрои вазирони корҳои хориҷии давлатҳои узви Созмони Конфронси исломӣ 23 майи соли ҷорӣ бо раиси ҳайати Амороти Муттаҳидаи Араб, вазири давлатӣ оид ба корҳои хориҷии ин кишвар Анвар Қарқош бо дархости ӯ мулоқот кард.                        Ҳамрохон Зарифӣ ва Анвар Қарқош зимни мулоқот аз динамикаи рушди муносибатҳои дуҷониба изҳори қаноатмандӣ карда, дурнамои ҳамкориҳои байни ду кишварро мутақобилан судманд арзёбӣ намуданд.                        Вазири аморотӣ ба ҷониби Тоҷикистон аз дастгирии ташаббуси кишвараш барои пазироии қароргоҳи Ожонси нерӯи таҷдидшаванда (IRENA) изҳори қадрдонӣ карда, онро нишонаи муносибатҳои дӯстонаи байни ду кишвар донист.                       Дар ин бора ба АМИТ «Ховар» аз Вазорати корҳои хориҷии ҶТ хабар доданд.