ҲАҶМИ ИСТЕҲСОЛИ САНОАТӢ ДАР ВАҲДАТ ЗИЁД ШУД

                         Душанбе, 25 май. (АМИТ «Ховар», Лаззат Диловарзод).- Дар давоми моҳҳои январ-апрели соли 2009 дар шаҳри Ваҳдат корхонаи таъмири механикӣ , ҶСНК «Керамзит», ҶСНП «Пахта», муассисаи ислоҳии 3/2, ҷамъияти матлубот, ҶММ «Ҷасур», ҶДММ «Соҳили обод» аз иҷрои нақшаҳои худ баромаданд. Корхонаҳои ҶСНК «Керамзит», ҶСНП «Пахта», ҶСК «Қисмҳои эҳтиётӣ», матбаа, ҷамъияти матлубот ва ҶММ «Ҷасур» нисбат ба ҳамин давраи соли гузашта 1,5 -2,6 баробар ҳаҷми истеҳсолоти маҳсулотро зиёд намуданд.                       Дар ин давра дар корхонаҳои саноатии шаҳр 1 дона кран-балка, 173 метри кубӣ керамзит, 36 ҳазор нусха бланкаҳо, 1 тонна банд, 579,6 ҳазор қуттиии шартӣ консерва ва шарбатҳо, 600 ҳазор дона хишт, 32,7 тонна нон, 2,9 тонна маҳсулоти қаннодӣ, 454 тонна орд, ва 116 тонна сабӯс истеҳсол карда шудааст.