ҲАЙАТИ ТОҶИКИСТОН БА ВИЛОЯТИ САМАРА ОМАД

                        Душанбе, 20 май. (АМИТ «Ховар», Анварбек Сиддиқов). — Ҳайати Ҷумҳурии Тоҷикистон 18 май барои боздид ба вилояти Самараи Федератсияи Русия омад. Ба ҳайат роҳбарият ва кормандони Раёсати муҳоҷирати Вазорати корҳои дохитлии Ҷумҳурии Тоҷикистон, намояндагони созмонҳои байналхалқию ғайриҳукуматӣ ва воситаҳои ахбори оммавӣ шомиланд.                        Ҳадафи сафари ҳайати Тоҷикистон ташкили мулоқоту сӯҳбатҳо бо роҳбарони вилояти Самара дар масъалаҳои муҳоҷирати коргарони тоҷик, сӯҳбатҳо бо коргарони муҳоҷир, ки дар корхонаю муассисаҳои вилоят кор мекунанд, вохӯрӣ бо шаҳрвандони Тоҷикистон, ки дар вилояти Самара доимӣ зиндагӣ мекунанд, инчунин, ҷамъбасти натиҷаҳои сафар ва таҳлили проблемаҳои марбут ба ҳифзи ҳуқуқи коргарони муҳоҷири тоҷик дар вилояти Самара мебошад.                        Сафари ҳайати Тоҷикистон дар вилояти Самара то 24 май давом мекунад.