ҲАМКОРИҲОИ «ОРИЁНБОНК» БО «КОМЕРЦБАНК АГ» ГУСТАРИШ МЕЁБАНД

                         Душанбе, 27 май. (АМИТ «Ховар», Бекназари Абӯбакр). — Дар ҶСК «Ориёнбонк» мулоқоти намояндаи пешбарандаи «Коммерцбанк АГ» (Олмон) доктор Додо Тёнс ва гурӯҳи кории бонк бо сарварии муовини раиси Раёсати бонк Лола Салимова баргузор гардид.                            Дар рафти мулоқот Додо Тёнс ба масъалаҳои гирифтории Тоҷикистон, хусусан Ориёнбонк, ба зуҳуроти бӯҳронӣ, инчунин бо нақшаҳои бонк оид ба бартараф намудани душвориҳо ва роҳи баромад аз вазъияти ба миёномада, ҳавасмандии худро изҳор намуд.                           Доктор Додо Тёнс манфиатдории «Коммерцбанк АГ»-ро, ки новобаста ба ислоҳоти вориднамудаи бӯҳрон, баҳри ташаккулдиҳии боз як бонки бузург чун Deutsche Bank, бо дастгирии давлатӣ дар хариди як бонки номии давлати худ — Dresdner Bank иштирок менамояд, баён намуд.                           Аз рӯи шартҳои ҳамкорӣ, дар рафти вохӯрӣ масъалаи лимити кушодашуда барои маблағгузории тиҷоратӣ мавриди муҳокима қарор гирифта, шартҳо, шаклҳо ва мақсаднокии истифодаи он баррасӣ гардид. Доктор Тёнс қайд кард, ки мақсаднокӣ — маҳаки асосии ҷудо кардани лимит дар ин самт ба ҳисоб меравад.                           Нисбат ба ҳисоббаробаркуниҳои байналхалқӣ амалиёт бо пулҳои қоғазӣ, масъалаҳои ҷудо кардани лимит барои МБК муҳокима гардида, якчанд таклифот, аз қабили фаъолнокии амалиёт дар бозори Forex; ҳамроҳшавӣ ба низоми клирингии TARGET 2, ки дар бозори байналхалқӣ дар баробари низоми ЕВА фаъолият менамояд ва муддати гузаштани пардохтҳои байни институтҳои молиявиро ихтисор намуда, амнияти онҳоро ба таври максималӣ кафолат медиҳад, пешниҳод шуданд.