АНДЕШАҲОИ МАРДУМ ДАР ТАҲИЯИ ҚОНУНҲО ИСТИФОДА МЕШАВАНД

                      Душанбе, 19 май.(АМИТ «Ховар», Марзия Саидова).-Силсила вохӯриҳои вакилони Маҷлиси намояндагони Маҷлиси Олии Ҷумҳурии Тоҷикистон бо интихобкунандагон анҷом ёфт.                       Аз Маҷлиси Олии ҷумҳурӣ ба АМИТ «Ховар» иттилоъ доданд, ки муддати ду ҳафта вакилони Маҷлиси намояндагон дар вилоятҳои Суғду Хатлон, Вилояти Мухтори Кӯҳистони Бадахшон ва ноҳияҳояи тобеи марказ бо интихобкунандагон вохӯрда нуктаҳои асосӣ ва аҳамияти Паёми Президенти ҷумҳурӣ Эмомалӣ Раҳмон ба Маҷлиси Олии Ҷумҳурии Тоҷикистонро фаҳмонданд. Зикр шуд, ки самти асосии Паёми Президнети мамлакат ба рушди устувори иқтисодиёт, бунёдкорию созандагӣ, таҳкими пояҳои давлатдорӣ ва эъмори ҷомеаи шаҳрвандӣ нигаронида шудааст.                       Ҳамзамон, дар ҷараёни мулоқоту вохӯриҳо масъалаҳои дигари вобаста ба вазъи иҷтимоию иқтисодии кишвар дар шароити бӯҳрони молиявӣ баррасӣ гардиданд. Тамоми пешниҳоду дархости мардум ба инобат гирифта шуда, дар таҳияи қонунҳои ҷадид мавриди истифода қарор хоҳанд гирифт.