АРЗУ ШИКОЯТИ РОНАНДАГОН БЕШТАР ШУД

                    Душанбе, 12 май. (АМИТ «Ховар», Лаззат Диловарзод).- Баъди бо қарори шаҳрдорӣ дар бораи аз кӯчаҳои «протоколӣ»-и шаҳр баровардни микроавтобусҳо ва тақсими онҳо дар хатсайрҳои нав ду моҳ сипарӣ гардид. Арзу шикояти ронандаҳо дар хатсайрҳои нави ноҳамвору беодам ва аз меъёр зиёд гирифтани мусофирон дар автобус торафт зиёдтар мегардад.                 Дар мавриди таъмири роҳҳои дохилишаҳрӣ сардори Сарраёсати ободонии шаҳри Душанбе Акбар Фаёзов иттилоъ дод, ки аз ҳисоби буҷаи шаҳр барои таъмири роҳҳои дохилишаҳрӣ барои соли 2009 — 50 млн. сомонӣ ҷудо карда шудааст.                   То соли 2011 барои пурра таъмир кардани роҳҳои дохилишаҳрӣ 150 млн. сомонӣ пешбинӣ карда шудааст ва ҳар сол ба андозаи 50 млн. сомонӣ роҳҳо таъмир карда мешаванд. Ҳукумати шаҳр яку якбора имкони таъмири 700 км роҳеро, ки кӯчаҳои дохилишаҳрӣ ташкил медиҳанд, надорад. То соли 2011 тамоми кӯчаҳои дохили шаҳр аз таъмир бароварда мешаванд,- иброз дошт Акбар Фаёзов.