БАРНОМАИ МИЛЛИИ ТАБОБАТИ БЕМОРИИ СИЛ

               Душанбе, 5 май. (АМИТ «Ховар», Кристина Эрлих).- Дар давраи иҷрои барномаи миллии табобати бемории сил комёбиҳои муайян ба даст оварда шуданд. Аз ҳисоби буҷет барои таъминоти молиявии шифохонаҳои мамлакат 3 баробар зиёд маблағ ҷудо карда, 72 духтур тайёр намуда, 14 озмоишгоҳи махсус пурра, 37 озмоишгоҳ қисман таъмир карда шуданд.               Аз дафтари матбуоти Вазорати тандурустӣ ба АМИТ «Ховар» хабар доданд, ки таъмири куллии яке аз биноҳои шифохонаи Ҷумҳуриявии клиникии сил дар деҳаи Мачитон анҷом ёфт, дар ин ҷо шӯъбаи табобати навъи ба дору тобовари ин беморӣ ба кор шурӯъ намуд. Дар ин давра 53 адад нақлиёти санитарӣ, 70 компютер, 120 микроскопи бинокулярӣ ва 14 адад асбоб барои ташхиси беморӣ харида шуд. Дар натиҷа, ошкор сохтани беморон ва ба қайдгирифтани онҳо беҳтар гардид. Шумораи вафоти одамон аз ин беморӣ хеле кам шуд.