БЕМОРИИ ЗУКОМИ ХУК ДАР РУСИЯ НИЗ БА ҚАЙД ГИРИФТА ШУД

                          Маскав, 23 май. (АМИТ «Ховар» — ЛТВ.Ру). — Духтурони Русия расман тасдиқ намуданд, ки дар мамлакат ҳодисаи нахустини ба бемории хавфноки зукоми хук гирифтор шудани одамон ба қайд гирифта шуд. Хабар дода мешавад, ки муаллими 28 — солаи Донишгоҳи Ню — Йорк ба шаҳри Жуковскии вилояти Маскав ба назди падару модараш омадааст. Вай дар ин ҷо бемор шуд ва бо ҳарорати баланд ба шифохонаи 1 — уми клиникии бемориҳои гузарандаи Маскав фиристода шуд. Духтурон аллакай падару модар ва хешу таборони беморро муоина намуданд. Дар онҳо микробҳои беморӣ ёфт нашуданд.                               Роҳбари Хадамоти федералии назорати ҳифзи ҳуқуқи истеъмолгарони Федератсияи Русия Геннадий Онищенко зикр намуд, ки вазъи саломатии бемор айни ҳол қаноатбахш аст. Агар натиҷаҳои ташхис саломатии беморро нишон диҳанд, ӯ рӯзҳои наздик аз шифохона ҷавоб дода мешавад, гуфт вай.