БИЛЛ КЛИНТОН НАМОЯНДАИ МАХСУСИ СММ ДАР ГАИТИ ТАЪИН ШУД

                        Вашингтон, 19 май. (АМИТ «Ховар» — Лента. ру ). — Президенти собиқи ИМА Билл Клинтон намояндаи махсуси Созмони Милали Муттаҳид дар Гаити таъин шуд.                         Рӯзномаи «Майами Хералд» менависад, ки Б.Клинтон даъвати муншии умумии СММ Пан Ги Мунро барои ишғоли вазифаи мазкур қабул намуд. Пан Ги Мун дар бораи ба ин вазифа таъин гардидани Б.Клинтон имрӯз расман хабар медиҳад.                        Вазифаи Клинтон ҷалби сармояи хориҷӣ ба Гаити мебошад, ки яке аз давлатҳои қашшоқтарини ҷаҳон ба шумор меравад. Соли 2008 дар ин ҷо дар натиҷаи якчанд тӯфон қариб 800 нафар ҳалок шуд, ба иқтисодиёти мамлакат ба маблағи як миллиард доллар зарар расид.                      «Вашингтон Пост» хабар медиҳад, ки Б.Клинтон ҳанӯз соли 2004 дар ташкили расондани кӯмак ба Гаити саҳм гузошта буд. Фонди шахсии Б.Клинтон барои расондани кӯмак ба қариб 200 миллион нафар сокини эҳтиёҷманди мамлакатҳои ҷаҳон бештар аз 46 миллиард доллар сарф кардааст.