БОВУҶУДИ ОФАТҲОИ ТАБИӢ НАҚШАҲО ИҶРОШАВАНДААНД

                        Душанбе, 21 май. (АМИТ «Ховар», Лаззат Диловарзод).- Бино ба гуфти сардори Раёсати растанипарварии Вазорати кишоварзӣ Саидмурод Баҳриддинов, боришоти тӯлонии моҳҳои март-майи соли ҷорӣ майдони 5390 гектар кишти пахтаро нобуд сохт, ки зарари он баробари 5 млн. сомонӣ мебошад.                       Дар соҳаи боғу токпарварӣ бошад, хисороти он ба 29 млн. сомонӣ мерасад. Боришот ҳамчунин зироатҳои 5 ҳазор гектар киштзорро аз миён бурдааст.                      Офати табиӣ иҷрои нақшаи ҳосили кишоварзиро зери суол қарор додаст. Бовуҷуди ин, тамоми имкониятҳо мавҷуданд, ки соли ҷорӣ беш аз 1 млн. 200 ҳазор тонна ғалла ҷамъоварӣ гардад.                     Ба андешаи Саидмурод Баҳриддинов, таъсири офати табиӣ метавонад ба баланд шудани нархи маҳсулот дар бозорҳои кишвар таъсири манфӣ расонад.