ДАР ДУШАНБЕ НАХУСТИН ОЛИМПИАДА ОИД БА ТЕХНОЛОГИЯҲОИ ИТТИЛООТИИ ШАБАКАВӢ ОҒОЗ МЕШАВАД
Душанбе, 25 май. (АМИТ «Ховар», Фарангис Раҳимова). — 27-28 май дар Душанбе дар чаҳорчўбаи Барномаи иттилоотии Шӯъбаи Ташкилоти байналмилалии Институти «Ҷамъияти Кушода» Бунёди Мадад — Тоҷикистон Олимпиадаи CISCO оид ба технологияҳои иттилоотии шабакавӣ баргузор мегардад. Академияи Шабакавии CISCO, ки дар назди Маркази технологияҳои иттилоотию коммуникатсионӣ амал мекунад, бо дастгирии Шўъбаи Тоҷикистонии Институти «Ҷамъияти Кушода» Бунёди Мадад — Тоҷикистон, инчунин бо кўмаки техникиии Бунёди Ҷамъиятии Ташаббуси Шаҳрвандии Сиёсати Интернет дар Тоҷикистон гузаронидани нахустин Олимпиадаи "NetRiders Tajikistan 2009" -ро дар нақша дорад. Тавре ба АМИТ «Ховар» аз Институти «Ҷамъияти Кушода» хабар доданд, мақсади асосии гузарондани Олимпиада дар байни ҷавонон маъмул гардондани ТИК ва мусоидат ба рушди захираҳои башарӣ дар соҳаи технологияҳои иттилоотию коммуникативӣ бо мақсади фароҳам овардани шароитҳои мусоид барои ҳамгироии Ҷумҳурии Тоҷикистон бо шабакаи васеи иттилоотӣ ва додани имконият ба ҷавонони Тоҷикистон дар бобати нишон додани малакаю истеъдоди худ, инчунин ёрӣ расондан ба онҳо баҳри баланд бардоштани боварӣ ба қувваю дониши худ мебошад. Дар Олимпиада шунавандагони Академияҳои Шабакавии Сisco, ки дар қаламрави Ҷумҳурии Тоҷикистон таҳсил мекунанд, инчунин ҳамаи хоҳишмандон аз ҷумлаи донишҷўёни мактабҳои олии ҶТ метавонанд иштирок кунанд. Ҳангоми кушодашавии Олимпиада 27 маи соли 2009 дар Маркази илмию патентии ҷумҳурӣ ширкати намояндагони вазорату идораҳо, бонкҳо, роҳбарони мактабҳои олӣ, провайдерҳои Интернет ва алоқаи мобилии Тоҷикистон ва дигар муассисаҳои мамлакат иштирок хоҳанд кард. Сармоягузори байналмилалии мусобиқа ширкати «Cisco Systems International B.V.» (Нидерландия), сармоягузорони Олимпиадаи "NetRiders Tajikistan 2009" ҶСШП «Вавилон Мобайл» ва ҶММ «Вавилон-Т» мебошанд. Ғолибони олимпиада аз ҷониби сармоягузорон — ширкатҳои «Вавилон-Т» ва «Вавилон-М» бо тӯҳфаҳо қадрдонӣ хоҳанд шуд. Шўъбаи Тоҷикистонии Институти «Ҷамъияти Кушода» Бунёди Мадад ҷоизаи махсус — ноутбукро барои ғолиби озмун аз ҷумлаи хонумон муқаррар кардааст. Академияи CISCO 9 иштирокчии беҳтаринро аз байни донишҷӯёни мактабҳои олии ҶТ интихоб менамояд. Ғолибон ҳуқуқи таҳсили бепулро дар Академияи Шабакавии Cisco-и назди Маркази ТИК-и шаҳри Душанбе аз рӯи барномаҳои CCNA, ITE, ITE I,II пайдо менамоянд. Академияи CISCO аз тарафи ширкати Cisco Systems — лидери ҷаҳонӣ дар соҳаи технологияҳои шабакавӣ (Калифорния, ИМА) таъсис шудааст. Барномаи Академияи Cisco дар 168 мамлакат, аз ҷумла Озарбойҷон, Арманистон, Беларус, Гурҷистон, Қазоқистон, Қирғизистон, Молдова, Россия, Тоҷикистон, Ўзбекистон ва Украина фаъолият мекунад. Дар он зиёда аз 2 млн. шунавандагон таълим гирифтанд.
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
