ДУШАНБЕГИҲО ОБ ЗАХИРА НАМОЕД!

                        Душанбе, 22 май. (АМИТ «Ховар», Марзия Саидова).-Аз соати 22 и рӯзи 22 май то соати 22 -и 23 май дар қисматҳои алоҳидаи маҳаллаҳои аҳолинишини ноҳияи Сино: маҳаллаҳои Меҳробод, Мир Сайид Алии Ҳамадонӣ, Навободи Боло ва Поён , Буни Ҳисорак, Қазоқон, Испечак ва квартали Муҳандис, шаҳракҳои 82, 91, 92, 101, 102, 112, Испечаки 1 ва 2, Зарафшони 1 ва 2 ноҳияи Исмоили Сомонӣ: маҳаллаҳои Мишкорро ва Хоҷамбиёи Поён интиқоли оби нӯшокӣ қатъ мегардад. Дар ин хусус Раиси шаҳр Маҳмадсаид Убайдуллоев қарор ба имзо расонд.                          Назар ба иттилои котиби матбуотии Раиси шаҳри Душанбе, Шавкат Саидов қарори Раиси шаҳр дар бораи муваққатан қатъ намудани интиқоли оби нӯшокӣ аз шоҳқубури самти Зарафшон истгоҳи обтаъминкунии «Худҷореъ» бо мақсади таъмин намудани маҳаллаи Нодира бо оби тозаи нӯшокӣ дар доираи татбиқи Лоиҳаи обтаъминкунии шаҳри Душанбе ба тасвиб расидааст.                         Сокинони маҳаллаю кӯчаҳои номбурда, имкон доранд миқдори оби лозимаро барои як шабонарӯз захира намоянд. Инчунин, раисони ноҳияҳои Сино ва Исмоили Сомонӣ ва директои КВД «Обу корези Душанбе» вазифадор гардиданд, ки сокинониин маҳаллаю шаҳракҳоро бо оби ошомиданӣ тавассути мошинҳои обкашӣ таъмин намоянд.