ИМЗОИ МЕМОРАНДУМИ ҲАМКОРӢ

                        Душанбе, 18 май. (АМИТ «Ховар», Пайрав Назаров). — Сафари ноиби Президенти Ҷумҳурии Исломии Эрон, раиси Шӯрои ҷавонони ин мамлакат Ҳоҷӣ Алии Акбарӣ дар Тоҷикистон давом дорад. Аз Кумитаи кор бо ҷавонон, варзиш ва саёҳии назди Ҳукумати ҷумҳурӣ ба АМИТ «Ховар» хабар доданд, ки меҳмонони эронӣ 17 май дар маросими ақди никоҳи 50 писару духтар ширкат варзида, баъд осорхона ва масҷиди шайх Муслиҳиддинро дар шаҳри Хуҷанд зиёрат карданд.                      18 май мулоқоти Президенти Ҷумҳурии Тоҷикистон Эмомалӣ Раҳмон бо Ҳоҷи Алии Акбарӣ баргузор гардад.                       Сипас ҳайати Эрон ба тамошои Қалъаи Ҳисор рафт. Баъди чошт раиси Кумитаи кор бо ҷавонон, варзиш ва саёҳии назди Ҳукумати Тоҷикистон Маликшо Неъматов бо ноиби Президенти Эрон мулоқот хоҳад кард. Ҳоҷӣ Алии Акбарӣ баъдан дар Коҳи Ваҳдат бо олимону аспирантҳо ва донишҷӯёни мактабҳои олӣ мулоқот анҷом хоҳад дод.