ИСТИФОДАИ ВАСЕЪИ ФУРӮЗОНАКҲОИ КАМХАРҶ ДАР МӮЪМИНОБОД

                        Мӯъминобод, 20 май. (АМИТ «Ховар», Сулаймон Холов).- Бо мақсади иҷрои дастуру супоришҳои сарвари давлат, дар самти пешгирӣ аз шиддати бӯҳрони молиявӣ, ки дар Паёми имсолаи Президенти мамлакат таваҷҷӯҳи хоса зоҳир гардида буд, дар ноҳияи Мӯъминобод низ тадбирҳо роҳандозӣ мегарданд.                        Иваз намудани фурӯзонакҳои муқаррарӣ ба камхарҷ дар ноҳияи Мӯъминобод аз бинои ҳокимияти маҳаллӣ оғоз гардида, тамоми корхонаю ташкилот ва як қисми мактабҳои маркази ноҳия низ зина ба зина бо фурӯзонакҳо таъмин карда шуда истодаанд.                        Бояд қайд намуд, ки баҳри дастрасии аҳолӣ ба фурӯзонакҳои камхарҷ ҷамъияти матлуботи ноҳия фурӯши онро дар нуқтаҳои савдои маркази ноҳия ва ҷамоатҳои деҳот ба таври васеъ ба роҳ мондааст.