ИСТИРОҲАТГОҲИ БАЙНАЛХАЛҚИИ РОҲБАРОНИ ҶАВОН КУШОДА ШУД

                      Душанбе, 13 май. (АМИТ «Ховар», Фарангис Раҳимова). — Бо ташаббуси Вазорати маорифи Ҷумҳурии Белорусия ва Бунёди байнидавлатии ҳамкории гуманитарии мамлакатҳои ИДМ мувофиқи карори Шӯрои кор бо ҷавонони давлатҳои аъзои Иттиҳод аз 11 май то 19 июн дар заминаи истироҳатгоҳи миллии тобистонаи «Зубрёнок» — и Ҷумҳурии Белорусия истироҳатгоҳи байналмилалии тобистонаи роҳбарони ҷавон кушода шуд.                      Аз дафтари матбуоти Кумитаи иҷроияи ИДМ ба АМИТ «Ховар» хабар доданд, ки ҳадафи ташкили истироҳатгоҳи мазкур ба роҳ андохтани равобиту ҳамкории байналхалқии ҷавонон, вусъат додани дониши ҷавонон дар бораи сиёсати давлатии ҷавонон дар мамлакатҳои ИДМ, мустаҳкам сохтани муносибатҳои неки ҳамсоягӣ ва васеътар намудани тасаввуроти ҷавонон дар бораи давлатҳои ИДМ мебошад. Дар фаъолияти истироҳатгоҳ намояндагони созмонҳои ҷавонони Озарбойҷон, Арманистон, Белорусия, Қазоқистон, Қирғизистон, Русия ва Тоҷикистон ширкат меварзанд.                  Даври аввали фаъолияти истироҳатгоҳ аз 11 то 28 май ва даври дуюми фаъолияти он аз 2 то 19 июн давом мекунад.                   Намояндагони ин мамлакатҳо зимни истироҳат дар Белорусия бо роҳбарони Кумитаи иҷроияи ИДМ, намояндагони созмонҳои миллӣ ва давлатии мамлакатҳои ИДМ, олимон ва сиёсатмадорон мулоқот хоҳанд кард.