КӮДАКИ 8- СОЛА — ҚУРБОНИИ ҶИНОЯТПЕША

                       Душанбе, 19 май. (АМИТ «Ховар», Анварбек Сиддиқов). — Чанде қабл кормандони ВКД-и ҷумҳурӣ дар натиҷаи амалиёти фаврӣ- ҷустуҷӯӣ сокини шаҳраки Навободи ноҳияи Рашт Раҳматшоҳ Шомаликовро, ки қаблан суд шуда буд, бо ҷурми даст доштан ба куштор боздошт намуданд. Номбурда соати 17 бегоҳии 7 май, дар ҳолати мастӣ ба боварии талабаи синфи якуми ҳаштсола Н., даромада ӯро бо роҳи фиреб ба бинои собиқ ҷамоат бурда, маҷбуран ноболиғро мавриди таҳқири хусусияти шаҳвонидошта қарор медиҳад. Баъди анҷоми ҷиноят гулӯи қурбониро бо шиша буридааст, ки дар натиҷаи рафтани хуни зиёд ҷабрдида дар ҷои ҳодиса ҳалок мегардад. Худи ҳамон шаб Раҳматшоҳ Шомаликов ҷасадро ба халта андохта, бурда ба хонаи яке аз сокинони шаҳраки Навобод мепартояд.                      Тавре ба АМИТ «Ховар» аз ВКД-и Ҷумҳурии Тоҷикистон хабар доданд, оиди ин ҳодиса парвандаи ҷиноӣ боз шуда, тафтишот идома дорад.