КИТОБИ НАВ ДАР БОРАИ СИЁСАТИ БЕРУНИИ ТОҶИКИСТОНИ СОҲИБИХТИЁР

                    Душанбе, 7 май. (АМИТ «Ховар», Лутфия Эшонқулова ). — Нашриёти «Иттилоот ва муошират» китоби нави Зафар Сайидзода, Абдунабӣ Сабуров ва Фаридун Саидовро таҳти унвони «Меъёрҳои сиёсати берунӣ ва иттилоотӣ дар Ҷумҳурии Тоҷикистон» аз чоп баровард. Китоб ба 65 — солагии таъсиси Вазорати корҳои хориҷии Тоҷикистон бахшида шудааст. Дар он мақолаҳое гирд оварда шуданд, ки дар давоми як соли охир нашр гардида, дар бораи муносибатҳои дуҷонибаю бисёрҷонибаи Тоҷикистон бо мамлакатҳои ҷаҳон ва созмонҳои байналхалқӣ нақл мекунанд. Асар аз се қисм иборат аст. Онҳо ба мавзӯъҳои гуногуни сиёсати берунии Тоҷикистон дар давоми як сол, проблемаҳои ҷаҳони ислом ва масъалаҳои муҳимтарини сиёсати иттилоотии давлат бахшида шудаанд.                 Асар барои олимон, мутахассисон, донишҷӯён, аспирантҳо ва гурӯҳҳои дигари хонандагон пешбинӣ шудааст, ки ба проблемаҳои иттилоотӣ ва сиёсати берунии Тоҷикистони имрӯза мароқ зоҳир менамоянд.