КОНФРОНС БАХШИДА БА ЗОДРӮЗИ МУҲАҚҚИҚИ БАРҶАСТА

                       Душанбе, 22 май. (АМИТ «Ховар», Лутфия Эшонқулова).- Дар Донишгоҳи давлатии омӯзгории Тоҷикистон ба номи С. Айнӣ гузаронидани 2 конфронси чумхуриявӣ ба нақша гирифта шудааст. Декани факултаи таърихи донишгоҳ Насрулло Убайдуллоев ба мухбири АМИТ «Ховар» хабар дод, ки моҳи октябр дар ин ҷо бахшида ба 80-солагии таъсисёбии Ҷумҳурии Тоҷикистон конфронс баргузор мегардад. Н. Убайдуллоев қайд намуд, моҳи ноябр гузаронидани конфронси ҷумҳуриявӣ, бахшида ба 140-солагии яке аз шахсиятҳои барҷаста, маҳаққиқ ва академик Василий Бартольд, ки солҳои дароз ба таҳқиқу омӯзиши Осиёи Миёна, аз ҷумла Тоҷикистон машғул буд, пешбинӣ карда мешавад. Айни ҳол мавзӯи маърӯзаҳо ва рӯзномаи ин конфронсҳо муайян карда мешаванд.