КОНФРОНСИ ИЛМӢ-НАЗАРИИ ҶУМҲУРИЯВӢ

                           Душанбе, 28 май. (АМИТ «Ховар», Людмила Дубинина).-30 май дар Донишгоҳи давлатии омӯзгории ба номи С. Айнӣ конференсияи илмӣ-назарии ҷумҳуриявӣ дар мавзӯи «Проблемаҳои назарияи баробариҳои диференсиалӣ, таҳлили математикӣ ва истифодаи онҳо» баргузор мегардад. Ин конфронс ба 70-солагии профессори ҳамин донишгоҳ корманди шоистаи маорифи Тоҷикистон, Эргаш Рӯзметов бахшида мешавад.Эргаш Рӯзметов аз соли 1971 то соли 1976 мудири шӯъбаи илм ва нашри ВМ ҶТ, аз соли 1977 то соли 1987 сарвари факултаи физика-математика ва аз соли 1987 то охирин рӯзҳои худ проректори донишгоҳи омӯзгорӣ шуда кор мекард. Дар ин солҳо ӯ зиёда аз 80 асару мақолаҳои илмӣ ва илмӣ- методӣ таълиф намуд. Ба қалами ӯ инчунин ду китоби дарсӣ «Курси мухтасари таҳлилӣ математикӣ» ба қалами ӯ таалуқ доранд.Фаъолияти қариб 40 солаи Э. Рӯзметов бо медали идонаи 100-солагии В.И. Ленин, «Аълочии маорифи халқи ҶТ» ва соли 1995 бо унвони «Корманди шоистаи маорифи ҷумҳурии Тоҷикистон» мукофотонида шуда буд.