КОРГАРОН АЗ ҒИЗОВУ ХОБГОҲ ТАЪМИНАНД

                         Бадахшон, 25 май. (АМИТ «Ховар», Лутфишо Додо).- Ҷамъияти масъулияти маҳдуди «Назрӣ» дар шаҳри Хоруғ бунёди Кохи ҷавононро ба зима дорад. Кохи ҷавонон дар шаҳри Хоруғ аз қабили силсилаиншоотҳоест, ки бо ибтикори Президенти кишвар рӯи кор омадаанд ва ҳамаи онҳо бояд то соли 2010 мавриди истифодабарӣ қарор гиранд. Ба хотири бунёди кохи ҷавонон дирексияи сохтмони дастгоҳи иҷроияи Президенти кишвар 5 млн. 650 ҳазор сомони ҷудо намудааст. Дар ин ҷо 60 нафар коргар кор мекунанд, ки бо ҷои хобу ғизо таъминанд. Бинои Литсейи президентиро низ ҷамъияти масъулияти маҳдуди «Назрӣ» бунёд менамояд ва дар ин ҷо низ ҳамин қадар коргар фаъолият мекунад. Иддае аз онҳо моҳе беш аз 1000 сомонӣ ҳаққи меҳнат мегиранд.