МӮҲЛАТИ БА ҚАЙДГИРӢ 5 РӮЗ МУҚАРРАР ШУД

                       Душанбе, 18 май. (АМИТ «Ховар», Лаззат Диловарзод).- Порлумони кишвар қонуни Ҷумҳурии Тоҷикистон «Дар бораи ба қайдгирии давлатии шахсони ҳуқуқӣ ва соҳибкорони инфиродӣ»-ро қабул кард.                        Бино ба иттилои раиси Кумитаи андози назди Ҳукумати ҷумҳурӣ Нусратулло Давлатов, аз баски қонуни нав таҳия намудани чандин ҳуҷҷатҳои навро тақозо дорад, соҳибкорони инфиродӣ ва шахсони ҳуқуқиро зарур аст, ки дар давоми як сол аз қайд гузаранд.                         Бино ба иттилои ҳамин манбаъ, соҳибкорони инфиродие, ки то қабули қонуни мазкур ба қайд гирифта шудаанд аз супоридани боҷи давлатӣ озод мебошанд.                         Қонуни нав ба рушди фазои сармоягузорӣ шароит фароҳам меорад. Дар асоси қонуни нав мӯҳлати ба қайдгирии соҳибкорон аз 49 рӯз то 5 рӯз кам карда шуд, ки онро ба манфиати кор медонанд.