МАҶЛИСИ НАХУСТИНИ СИТОДИ АМАЛИЁТИ «КӮКНОР – 2009»

                       Душанбе, 23 май. (АМИТ «Ховар», Наталя Михайлова). — 22 май дар Агентии назорати маводи нашъадори назди Президенти Ҷумҳурии Тоҷикистон маҷлиси нахустини ситоди амалиёти «Куқнор — 2009» баргузор гардид. Дар он намояндагони шӯъбаи мудофиа ва тартиботи қонунии Дастгоҳи Президент, кормандони Агентии назорати маводи нашъадор, вазоратҳои фарҳанг, тандурустӣ, хадамоти гумрук, Кумитаи давлатии амнияти миллӣ ва Кумитаи телевизион ва радиои ҷумҳурӣ ширкат варзиданд.                     Дар маҷлис масъалаҳои марбут ба иҷрои дастури Ҳукумати мамлакат дар бобати гузаронидани амалиёт ва ҳамкории вазорату идораҳои дахлдор муҳокима шуданд. Аз рӯи натиҷаҳои маҷлис нақшаи тадбирҳои минбаъдаи гузаронидани амалиёт тасдиқ гардид.