«МАРКАЗИ ҶАВОНОН» 10-СОЛА ШУД

                        Хуҷанд.22 май.(АМИТ «Ховар» Самад Юсуфӣ).-Бо дастгирии мақомоти иҷроияи ҳокимияти давлатии вилояти Суғд 10-солагии Муассисаи давлатии «Маркази ҷавонон» ботантана қайд карда шуда, ин маркази илму маърифат бо номи шоири шаҳири тоҷик Лоик Шералӣ номгузорӣ карда шуд.                         Ҷонишини раиси вилоят Ваҳоб Набиев сухани ифтитоҳӣ намуда, табрикоти раиси вилоятро қироат намуда, як телевизори ранга тӯҳфа намуд. Раиси раёсати ҷавонон, варзиш ва сайёҳии вилояти Суғд Рустам Ғиёсов, ҷавононро бо ин ҷашнвора табрик намуда, ба чанде аз онҳо ифтихорнома ва тӯҳфахо такдим намуд. Шоира Фарзона ва раиси вилояти Сугдии Иттифоқи нависандагон Аҳмадчон Раҳматзод ҷавононро табрик намуданд.                          Дар қисми бадеӣ санъаткорони номӣ аз вилояти Суғд Носир Раҳимов, Абдураҳмон Абдураҳмонов, Алишер Дадабоев, театрстудияи «Хандинкамон», дастаи рақсии «Гулноз» ва дигарон хунарнамоӣ карданд.