МУҲОҶИРОНИ МЕҲНАТӢ БА САФИ АРТИШ БАРГАШТАНД

                      Душанбе, 16 май. (АМИТ «Ховар», Лаззат Диловарзод).- Бино ба иттилои ҷонишини комиссари ҳарбии вилояти Суғд Носир Тошматов, даъвати баҳорӣ ба сафи қувваҳои мусаллаҳ дар вилояти Суғд то 10-уми май 87 фоиз иҷро шудааст, ки ин нисбат ба ҳамин давраи сали гузашта 21- 22 фоиз беҳтар аст. Ин аз он ҷиҳат аст, ки ҷавонон бо сабабҳои ихтисор шудани ҷойҳои корӣ дар хориҷи кишвар ба Ватан баргашта, барои адои қарзи шаҳрвандӣ ба сафҳои артиши Тоҷикисон бо ихтиёри худ ба хизмат мераванд.                    Дар ноҳияҳои Панҷакент, Конибодом, Зафаробод, Табошар ва Шаҳристон, Масчох ва Исфара вазъи ба сафи артиши миллӣ даъват кардани наваскарон беҳтар шуд.                      Мутаассифона, ин даъват дар нохияҳои Ғончӣ, Хуҷанд ва Ашт мисли пештара суст аст, то охири мӯҳлати даъват бошад ҳамаги 15 рӯз боқӣ мондааст.