МУҲОКИМАИ ЛОИҲАИ СОЗИШНОМА ДАР БОРАИ МИНТАҚАҲОИ ОЗОДИ ТИҶОРАТ
Душанбе, 19 май. (АМИТ «Ховар», Фарангис Раҳимова). — Дар Кумитаи иҷроияи ИДМ маҷлиси нахустини гурӯҳи кории коршиносон баргузор гардид. Дар он лоиҳаи созишнома дар бораи минтақаҳои озоди тиҷоратӣ муҳокима карда шуд, ки онро Вазорати рушди иқтисоди Русия пешниҳод намудааст. Мухбири АМИТ «Ховар» хабар медиҳад, ки дар маҷлис намояндагони Озарбойҷону Арманистон, Белорусия ва Қирғизистон, Молдавия, Русия, Тоҷикистон, Украина ва кормандони масъули Кумитаи иҷроияи ИДМ ширкат варзиданд. Намояндагони Қазоқистон ва Ӯзбекистон дар маҷлис иштирок накарданд. Ҳамаи иштирокчиёни маҷлис пешниҳоду мулоҳизаҳояшонро дар бораи созишнома пешакӣ тайёр карда буданд. Озарбойҷон хабар дод¸ ки мавқеи худро роҷеъ ба созишнома дертар муайян карда, таклифҳояшро ба муҳокимаи маҷлиси ояндаи гурӯҳи корӣ пешниҳод менамояд. Тибқи қарори қабулшуда, аз Вазорати рушди иқтисоди Федератсияи Русия хоҳиш карда мешавад, ки лоиҳаи созишномаро бо назардошти пешниҳоду мулоҳизаҳо такмил дода, то 15 июни соли равон ба Кумитаи иҷроияи ИДМ фиристад. Илова бар ин, аз кумитаи иҷроияи ИДМ хоҳиш карда шавад, ки мавқеи Қазоқистон ва Ӯзбекистонро дар ин масъала муайян намояд. Дар маҷлис аз Ҳукумати Туркманистон хоҳиш карда шуд, ки намояндаи худро ба ҳайати гурӯҳи кории коршиносони ИДМ фиристода, дар гуфтушунидҳо роҷеъ ба созишномаи ташкили минтақаҳои озоди тиҷоратӣ ширкат варзад. Маҷлиси ояндаи гурӯҳи корӣ моҳи июл дар Маскав баргузор мегардад.
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
Имрӯз дар шаҳри Душанбе ҳаво то 39 дараҷа гарм мешавад
Дар Бохтар бахшида ба Рӯзи Ваҳдати миллӣ ҳамоиши сиёсӣ-фарҳангӣ баргузор гардид
Дар назди Муассисаи таҳсилоти миёнаи умумии рақами 2-и шаҳри Норак бинои иловагӣ сохта мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
