МУЛОҚОТИ ВАЗИРОНИ КОРҲОИ ХОРИҶӢ БО ҲАЙАТИ СЕГОНАИ ИТТИҲОДИ АВРУПО
Душанбе, 29 май. (АМИТ «Ховар», Наргис Бояхмедова ). — Баъди чошти имрӯз дар Душанбе мулоқоти вазирони корҳои хориҷии мамлакатҳои Осиёи Марказӣ бо ҳайати сегонаи Иттиҳоди Аврупо баргузор мегардад. Намояндагони Иттиҳоди Аврупо бо ҳайатҳои Тоҷикистон, Ӯзбекистон, Қирғизистон, Туркманистон ва Қазоқистон мулоқот хоҳанд кард. 30 май маҷлиси умумии ҳайати сегонаи Иттиҳоди Аврупо ва вазирони корҳои хориҷии мамлакатҳои Осиёи Марказӣ кушода мешавад. Дар он ҳуҷҷатҳо дар бораи афзалиятҳои миллӣ, нақшаи фаъолияти муштараки Иттиҳоди Аврупо ва давлатҳои Осиёи Марказӣ дар мубориза ба муқобили паҳн гардидани маводи нашъадор, ҳамкории мамлакатҳои минтақа, рушди соҳаи энергетика, истифодаи оқилонаи захираҳои об, тақвияти муҳофизати сарҳадҳо ва мубориза ба муқобили маводи нашъадор муҳокима карда мешаванд. Иттиҳоди Аврупо аз рӯзҳои аввали мустақил гардидани мамлакатҳои Осиёи Марказӣ барои мусоидат ба ислоҳот дар минтақа зиёда аз як миллиарду 200 миллион евро сарф намуд. Созишномаи шарокат ва ҳамкории Иттиҳоди Аврупо бо Қазоқистон, Қирғизистон ва Ӯзбекистон ба ҳамкории ҳамаҷониба имкон медиҳад. Чунин созишнома бо Тоҷикистону Туркманистон низ имзо карда мешавад.
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
Имрӯз дар водиҳои Тоҷикистон чангу ғубор ба амал меояд
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
