МУНОСИБАТҲОИ МЕҲНАТӢ БА ТАНЗИМ ДАРОВАРДА МЕШАВАНД

                     Душанбе, 8 май. (АМИТ «Ховар», Лаззат Диловарзод).- Дар танзими муносибатҳои меҳнатӣ ва рушди мушоракати иҷтимоӣ мақоми Созишномаи генералӣ асосӣ аст.                     Мӯҳлати амали Созишномаи генералӣ байни ҲукуматиҶумҳурии Тоҷикистон, Иттиҳодияҳои корфармоёни ҶТ ва Федератсияи иттифоқҳои касабаи мустақили Тоҷикистон барои солҳои 2006-2008 ба охир расид.                         Вазорати меҳнат ва ҳифзи иҷтимоии аҳолии ҷумҳурӣ лоиҳаи Қарори Ҳукумати Ҷумҳурии Тоҷикистон «Дар бораи тасдиқи Созишномаи генералии байни Ҳукумати ҶТ, Иттиҳодияҳои корфармоёниҶТ ва Федератсияи итифоқҳои касабаи мустақили Тоҷикистон барои солҳои 2009- 2011»-ро омода намуд. Санади номбурда бо Қарори Ҳукумати ҶТ аз 2-юми феврали соли 2009 тасдиқ гардид.                        Дар ин ҳуҷҷати муҳим вазифаҳо ва ӯҳдадориҳои тарафайн мушаххастар гардида, назорати иҷрои он қатъитар карда шудааст.                       Дар шароити таъсири бӯҳрони молиявӣ ба ҷараёни пардохти пурра ва саривақтии музди меҳнат «Дастуруламал оид ба пардохти маблағи иловагӣ ба кормандон ҳангоми бо айби корфармо ба таъхир афтодани музди меҳнат» таҳия ёфта аз қайди давлатӣ гузаронида шуд.                       Аз 1-уми апрели соли 2009 -26 ҳазору 758 корхона, ташкилоту муассисаҳо 10 ҳазору 371 корхонаю ташкилот тибқи Созишнома ва шартномаҳо фаъолияти худро ба роҳ монданд.