НАХУСТИН СОМОНАИ РАСМИИ ТОҶИКИЮ ДИНӢ ДАР ТОҶИКИСТОН ФАЪОЛ ГАШТ

                     Душанбе, 18 май. (АМИТ «Ховар», Фарангис Раҳимова). — Дар шабакаи Интернет нахустин сомонаи расмии тоxикии динию маърифатӣ, аз санаи 12-уми май фаъол гашт. Он www.islom-sughd.tj унвон дорад. Дар ин сомона ба забони тоҷикӣ оид ба масъалаҳои ақида, тафсир, фиқҳ, Абӯҳанифашиносӣ ва амсоли ин бахшҳо ҷой дода шудааст. Барои хонандагон махсусан бахши савол ва фатвоҳо ҷой дода шудааст, ки метавонанд, мустақиман бо маъмурияти сайт дар тамос шуда ба саволҳои худ посух гиранд.                   Тавре ба АМИТ «Ховар» сардабири сомонаи номбурда Ислом Раҳимов, хабар дод, алҳол корҳои ворид кардани мавод ба сомона идома дорад ва то охири моҳи май пешорӯи хонандагон китобхонаи мукаммали электронӣ оид ба масъалаҳои динӣ арзи ҳастӣ хоҳад кард.                  Сомона дар назди Шӯрои уламои дини вилояти Суғд фаъолият мебарад.