НАМОИШИ ФИЛМҲОИ ТУРКӢ ДАР ВИЛОЯТИ СУҒД

                        Душанбе, 18 май. (АМИТ «Ховар», Бекназари Абӯбакр). — Бо ташаббуси Сафорати Ҷумҳурии Туркия дар Тоҷикистон, дар муассисаи давлатии «Маркази ҷавонон»-и шаҳри Хуҷанд «Ҳафтаи филмҳои туркӣ» оғоз гардид.                         Намояндаи Сафорати Туркия Мехмед Ташкин густариши робитаҳои фарҳангии Тоҷикистону Туркияро ба манфиати ҳарду кишвар арзёбӣ карда, зикр намуд, ки ин иқдом дар Хуҷанд бори аввал сурат мегирад. Филмҳое, ки манзури тамошобинон мегарданд асосан аз аҳвол ва рӯзгори мардуми Туркия ҳикоят мекунанд.                        Мавриди зикр аст, ки ҳадаф аз ташкили ин чорабинӣ густариш додани равобити сиёсию фарҳангӣ ва иҷтимоию мадании Тоҷикистону Туркия мебошад.