ОҲАНГСОЗИ БАРҶАСТАИ ТОҶИК 80-СОЛА МЕШАВАД

            Душанбе, 4 май.(АМИТ «Ховар», Лутфия Эшонқулова).- Бо ташаббуси Вазорати фарҳанги ҶТ ва Донишкадаи давлатии санъати Тоҷикистон ба номи М. Турсунзода, бахшида ба 80-солагии оҳангсози барҷастаи тоҷик Шарофиддин Сайфиддинов, 5 май дар толори консертии донишкада шаби эҷодӣ баргузор мегардад. Дар ҷамъомад аҳли илму фарҳанги ҷумҳурӣ ва ёру дӯстони Шарофиддин Сайфиддинов иштирок намуда, дар бораи ҳаёт ва фаъолияти ӯ сухан мекунанд. Дар хотима, аз рӯи оҳангҳои ин оҳангсози шинохта ҳунармадони тоҷик барномаи консертиро пешкаши аҳли нишаст хоҳанд намуд. Бояд ёдовар шуд, ки Шарофиддин Сайфиддинов барандаи Ҷоизаи давлатии ба номи А. Рӯдакӣ буда, ба бисёр шеърҳои шоирон, аз ҷумла «Шарора», «Пӯлод ва Гулрӯ», «Ёри дил» ва ғайра оҳанг бастааст.