ОБУҲАВОСАНҶҲО ЯГОН БОР ХАТО НАКАРДАНД

                        Душанбе, 25 май. (АМИТ «Ховар», Лаззат Диловарзод).- Сифати пешгӯиҳои обу ҳаво бо истифода аз техникаи нави замонавӣ, маҳвора, системаи нави коммуникатсияи хабарӣ, сари вақт дастрас шудани харитаҳои синоптикӣ ва усулҳои нави пешгӯии обу ҳаво нисбати ҳамин давраи соли гузашта баланд аст. Пешгӯий ҳаррӯзаи обу ҳаво хеле дақиқ аст ва боре нашудааст, ки хатое дар пешгӯӣ шуда бошад, ин далолат аз он аст, ки Агентии обуҳавошиносӣ пайваста бо асбобҳои дақиқ ҷиҳозонида мешавад.                     Айни ҳол, маълумоти дақиқи фаврӣ аз 36-38 стансияи ҳавосанҷӣ, 12 дидбонгоҳи обченкунӣ дастраси мутахассисони Агентӣ гардонида шудааст.                      Тибқи пешгӯий стансияҳои ҳавосанҷӣ, баҳори соли ҷорӣ сербориш ва тобистон хеле гарм меояд,- иброз дошт директори Агентии обуҳавошиносӣ Бегмурод Маҳмадалиев ба мухбири АМИТ «Ховар».