ОЛИМОН НАВЪҲОИ ПЕШПАЗАКИ ПАХТАРО ТАВСИЯ МЕДИҲАНД

                        Душанбе, 25 май. (АМИТ «Ховар», Лаззат Диловарзод).- Боронҳои пай дар пай сабаби дар мӯҳлати муайянгардида анҷом наёфтани кишти пахта гардид.                        Тибқи супориши вазири кишоварзӣ Қосим Қосимов, Муассисаи давлатии «Комиссияи давлатии озмоиши навъи зироатҳои кишоварзӣ ва муҳофизати навъҳо»-и Вазорати кишоварзӣ дар ҳамкорӣ бо олимони Академияи илмҳои кишоварзӣ тавсия намуданд, ки хоҷагиҳои кишоварзии ҷумҳурӣ метавонанд то 1-уми июни соли ҷорӣ аз нав кишт гузаронанд.                        Бо ин мақсад дар вилояти Суғд аз навъҳои тезпази пахта: «Сорбон», «Назирӣ», «Меҳргон» ва «Ирам» то 20-ум май, дар вилояти Хатлон аз ҳамин навъҳо то 25 -уми май ва гурӯҳи ноҳияҳои водии Ҳисор то 1-уми июн кишт карда метавонанд,- иброз доштанд дар Вазорати кишоварзӣ ба мухбири АМИТ «Ховар».