РАСМИ ГУЗАШТИ ҲАРБӢ БАРГУЗОР НАМЕГАРДАД

               Душанбе, 4 май. (АМИТ «Ховар», Таҳмина Ғоибназарова). — Аз дафтари матбуоти Вазорати мудофиаи ҷумҳурӣ ба АМИТ «Ховар» хабар доданд, ки қарори гузаронидани расми гузашти ҳарбӣ бахшида ба 64 — солагии Ғалаба дар Ҷанги Бузурги Ватанӣ бекор карда шуд.              Қайд карда шуд, ки 9 — май дар Боғи Ғалаба маросими гузоштани гулчамбарҳо дар назди Оташи абадӣ бо иштироки вазири мудофиа ва роҳбарони дигари Вазорати мудофиа гузаронида мешавад.            Имрӯзҳо бахшида ба солгарди навбатии Ғалаба дар Ҷанги Бузурги Ватанӣ дар ҳамаи қисмҳои ҳарбӣ мулоқоти аскарону афсарон бо иштирокчиён ва ветеранҳои ҷанг баргузор мегарданд.