РУСТАМИ ЭМОМАЛӢ ИШТИРОКЧИЁНИ ҶБВ-РО АЁДАТ КАРД

                    Душанбе, 8 май. (АМИТ «Ховар», Пайрав Назаров). — Дар асоси нақшаи чорабиниҳои Иттифоқи ҷавонони Тоҷикистон аз 26 апрел то 5 май «Ҳафтаи гиромидошт» бахшида ба 64 солагии ғалаба дар Ҷанги Бузурги Ватании солҳои 1941-1945 эълон гаштааст. Дар доираи «Ҳафтаи гиромидошт» дар марказ ва шаҳру ноҳияҳо баргузории чорабиниҳо, аз қабили аёдати оилаҳои иштирокчиёни ҶБВ, қадрдонии иштирокчиёни ҶБВ ва барномаҳои фарҳангӣ сурат гирифт.                  7 май бо ташаббуси Иттифоқи ҷавонони тоҷикистон ва Кумитаи ҷавоннон, варзиш ва сайёҳии назди Ҳукумати ҶТ дар доираи «Ҳафтаи гиромидошт» бо ҷалби сарпарастон 20 нафар собиқадорон дар арафаи Иди Ғалаба бо кӯмаки моддӣ, иборат аз маводи ғизоӣ қадрдонӣ гардиданд. Дар ин ҷараён бо мақсади аёдати иштирокдорони ҶБВ раиси Кумитаи ҷавонон, варзиш ва сайёҳӣ Маликшо Неъматов, муовини раиси Иттифоқи ҷавонони Тоҷикистон Рустами Эмомалӣ ба манзили як гурӯҳ собиқадорон ташриф оварданд.