САДАМАИ НАҚЛИЁТӢ ДАР ШИМОЛИ ҶУМҲУРӢ

                        Душанбе, 18 май. (АМИТ «Ховар», Анварбек Сиддиқов). — Шаби 17 май, дар 113 км роҳи мошингарди Спитамен-Хуҷанд-Конибодам ронандаи автомашинаи «Опель-Астра» Бахтиёр Шокиров бо суръати баланд ҳаракат карда, аз ӯҳдаи идораи нақлиёт набаромада автомашинаро чаппа кард. Дар натиҷа номбурда аз бардоштани ҷароҳати вазнин дар ҷои ҳодиса ҳалок гардид.                          Аз 11 то 17 май дар ҷумҳурӣ 25 садамаи нақлиётӣ ба қайд гирифта шуд, ки дар натиҷаи он 4 нафар шаҳрванд ба ҳалокат расида 29 нафар ҷароҳатҳои гуногун бардоштанд. Аксарияти ин садамаҳо аз риоя накардани талаботҳои техникии нақлиёт, бо суръати баланд ҳаракат кардан, ба самти муқобили ҳаракат баромадан ва аз тарафи пиёдагардон риоя накардани қоидаҳои бехатарии ҳаракати роҳ ба вӯқуъ пайвастанд.