САФАРИ ПРЕЗИДЕНТИ ХОРВАТИЯ ДАР ТОҶИКИСТОН АНҶОМ ЁФТ
Хуҷанд, 25 май. (АМИТ «Ховар», Санавбар Мақсудова). — Субҳи имрӯз ҳайати давлатии Ҷумҳурии Хорватия таҳти роҳбарии Президенти мамлакат Степан Месич ҳамроҳи сарвазири Ҷумҳурии Тоҷикистон Оқил Оқилов ба шаҳри Хуҷанд ташриф овард. Президенти Хорватияро дар ин сафар 15 нафар, аз ҷумла, сафири Хорватия дар Туркия Гордан Бакута, мушовири махсуси президент Гудемир Лончар, мушовири президент дар масъалаҳои сиёсати берунӣ Томислав Ятич ва ёвари мушовири президент дар масъалаҳои сиёсати берунӣ Анна Шимунҷа ҳамроҳӣ намуданд. Меҳмононро раиси вилояти Суғд Қоҳир Расулзода ва шахсони дигари расмӣ пешвоз гирифтанд. Сафари президенти Хорватия ба вилояти Суғд хусусияти расмӣ дошт ва ҳадафи он муқаррар намудани роҳу усулҳои ҳамкории мутақобилан муфид мебошад.Ҳайати давлатии Хорватия Қасри «Арбоб» — и ноҳияи Бобоҷон Ғафуров, Осорхонаи таърихӣ, масҷиди Шайхмуслиҳиддин ва бозори «Панҷшанбе» — ро дар маркази вилоят тамошо кард. Мухбири АМИТ «Ховар» хабар медиҳад, ки бо ҳамин сафари расмии Президенти Хорватия Степан Месич ба Тоҷикистон анҷом ёфт.
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
Имрӯз дар баъзе минтақаҳои Тоҷикистон рӯзона борони кӯтоҳмуддат меборад
Дар шаҳри Бӯстон доир ба татбиқи лоиҳаҳои муштараки иҷтимоӣ бо соҳибкорон вохӯрӣ баргузор шуд
Дар даҳсолаи охир дар ҷаҳон шумораи одамони бо гуруснагии фалокатбор рӯбарӯ нуҳ маротиба афзоиш ёфтааст
Имрӯз дар шаҳри Душанбе ҳаво то 29 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Озмуни ҷумҳуриявии «Ҷавонон муқобили коррупсия» баргузор мешавад
