СЕМИНАР МАШВАРАТ ДАР ҚӮРҒОНТЕППА

                       Қӯрғонтеппа, 27 май. (АМИТ «Ховар», Мурод Сотиев). Семинар машварат оид ба проблемаи пешгирии ҷиноят миёни ноболиғон дар шаҳри Қӯрғонтеппа баргузор гардид. Дар кори семинар — машварат мутахассисони шӯъбаҳои кор бо ноболиғон, роҳбарони мақомоти маориф, тандурустӣ, кумитаҳои кор бо ҷавонон ва занон, прокуратураи вилояти Хатлон ширкат варзиданд.                      Дар назди ҳозирин инчунин муовини раиси вилояти Хатлон Ҳикоятмо Ҳакимова баромад намуда, оид ба роҳҳои пешгирии ҷиноят миёни наврасон дастурҳои мушаххас дод. Ҳамзамон Ҳ. Ҳакимова қайд кард, ки ин проблема доимо дар мадди назари роҳбарияти вилояти Хатлон қарор дошта, барои ҳалли проблемаҳои мавҷуда чораҳо андешида мешаванд. Лекин ин кори танҳо як мақомот набуда, дар ҳамбастагӣ метавон ҳалли мушкилотро ёфт.                      Дар назди ҳозирин ҳамчунин намояндагони вазорати корҳои дохилии вилоят баромад намуда, оид ба пешгирии ҷиноятҳо ва ҳамкорӣ бо дигар сохторҳо пешниҳодҳо карданд.