ШАБИ ЭҶОДИИ ОҲАНГСОЗИ МАЪРУФ

                          Душанбе, 18 май. (АМИТ «Ховар», Лутфия Эшонқулова).- 22 май дар толори Театри давлатии опера ва балети ба номи С. Айнӣ шаби эҷодии оҳангсози маъруфи тоҷик Абдуфаттоҳ Одинаев баргузор мегардад.                            Дар он оҳангҳои Абдуфаттоҳ Одинаев аз ҷониби ҳунармандони театри опера ва балет, аз ҷумла операҳои машҳури «Ҳисори ман», «Бародарам», «Аҳурамаздо» ва сурудҳои «Илтиҷо», «Зевари борон» «Фалак», «Мо тоҷиконем» бо ҳамовозии оркестри созҳои миллӣ иҷро карда мешаванд. Чорабинии мазкур ба 70-солагии оҳангсози маъруф бахшида мешавад.                          Дар ин бора ба мухбири АМИТ «Ховар» аз маркази матбуоти Вазорати фарҳанг хабар доданд.