ШУМОРАИ КОРГАРУ НАФАҚАХӮР БАРОБАР ШУД

               Душанбе,5 май. (АМ ИТ «Ховар, Лаззат Диловарзод).- Бино ба иттилои сардори Раёсати Агентии давлатии минтақаи Кӯлоб оид ба ҳифзи иҷтимоӣ ва нафақаи аҳолӣ Амирхон Расулов, аз 1-уми июли соли 2009 сар карда тартиби нави захираи нафақа ҷорӣ мегардад. Ин мазмуни онро дорад, ки ҳар як коргар ҳадди ақал як фоизи маошашро ба суғуртаи иҷтимоии шахсии худ мегузаронад.              Агар пештар дар шаҳри Кӯлоб барои як нафақахӯр 7 коргар ба фонди нафақа маблағ мегузаронд, имрӯз дар шаҳр барои 15 ҳазору 554 нафар нафақахӯр қариб 16 ҳазор коргар рост меояд, ки он мушкилотеро дар таъмини нафақаи нафақахӯрони шаҳри Кӯлоб ба вуҷуд овардааст. Аз ин рӯ гузаштан ба муносибати нави маблағгузорӣ ба фонди нафақа, танҳо бо роҳи худмаблағгузорӣ ба суғуртаи иҷтимоии шахсӣ мебошад.