ШУМОРАИ НАФАҚАХӮРОН АФЗОИШ ЁФТ

                        Душанбе, 20 май. (АМИТ «Ховар», Лаззат Диловарзод).- Мувофиқи нишондиҳандаҳои солонаи ҳисоботи оморӣ, теъдоди умумии нафакахӯрон дар Ҷумҳурии Тоҷикистон дар соли 2009 537 ҳазору 699 нафарро дар бар мегирад, ки нисбат ба ҳамин давраи соли 2008 ба миқдори 8 ҳазору 530 нафар ё ин ки 1,6 фоиз афзоиш ёфтааст.Теъдоди гирандагони нафақаҳои меҳнатӣ дар ҷумҳурӣ 461 ҳазору 401 нафарро ташкил медиҳад.                      Андозаи миёнаи нафақаҳои меҳнатӣ то бозҳисобӣ 50,29 сомониро ташкил медод. Баъди бозҳисобӣ ин нишондиҳанда ба маблағи 42, 55 сомонӣ зиёд гардида 92,84 сомониро ташкил намуд.                       Аз рӯи натиҷаҳои бозҳисобии нафақаҳо ба хулосае омадан мумкин аст, ки андозаи нафақа дар ҷумҳурӣ ба ҳисоби миёна 1,8 баробар афзуда аз 46,99 сомонӣ ба 87,36 сомонӣ баробар шудааст.