ШУМОРАИ НАФАҚАХӮРОНИ КОРКУНАНДА АФЗОИШ ЁФТ

                       Душанбе, 25 май. (АМИТ «Ховар», Лаззат Диловарзод).- Дар Вазорати меҳнат ва ҳифзи иҷтимоии аҳолии ҷумҳурӣ ба мухбири АМИТ «Ховар» иброз доштанд, ки шумораи нафақахӯрони коркунанда дар ҷумҳурӣ 31 ҳазору 811 нафарро дар бар мегирад, ки он баробари 6 фоизи умумии нафақахӯрон дар ҷумҳурӣ мебошанд.                      Талаботи нафақаи моҳонаи онҳо то бозҳисобӣ дар як моҳ 3 млн. 47 ҳазору 165 сомонӣ ва баъди бозҳисобӣ ба 4 млн. 372 ҳазору 146 сомонӣ баробар шуд. Андозаи миёнаи нафақаи онҳо то бозҳисобӣ 97 сомонӣ ва баъди он ба 137 сомонӣ расонида шуд, ки он баробари 40 фоиз афзоиш ёфтааст.                      Бо ҳамин талаботи Қарори Ҳукумати ҷумҳурӣ аз 2-юми июли соли 2008 «Дар бораи тадбирҳои татбиқи Фармони Президенти ҶТ аз 20-уми июни соли 2008» ба таври пурра дар амал иҷро гардид.