СИТОДИ АМАЛИЁТИ «КӮКНОР- 2009»

                      Душанбе, 20 май. (АМИТ «Ховар», Анварбек Сиддиқов). -22 май дар Агентии назорати маводи нашаъовари назди Президенти Ҷумҳурии Тоҷикистон маҷлиси Ситоди амалиёти «Кӯкнор- 2009» бо иштироки намояндагони Кумитаи давлатии амнияти миллӣ, Агентии назорати маводи нашаъовар, Хадамоти гумрук, вазоратҳои адлия, тандурустӣ шуда гузашт.                       Дар он масъалаҳои ташкилии супориши Ҳукумати Ҷумҳурии Тоҷикистон оиди аз 15 май то 30 ноябр дар қаламрави гузаронидани ҷумҳурӣ амалиёти «Кӯкнор- 2009», иҷро намудани бандҳои нақшаи чорабиниҳои ситоди амалиёти «Кӯкнор- 2009» ва ҳамоҳангсозии фаъолияти мақомотҳои ҳифзи ҳуқуқ ва дигар сохторҳои иштироккунанда дар рафти ин амалиёт мавриди баррасӣ қарор гирифт.                         Инчунин, қайд карда шуд, ки дар ҳамаи минтақаҳои ҷумҳурӣ гурӯҳҳои якҷояи зудамали мақомоти ҳифзи ҳуқуқ ва сохторҳои қудратӣ таъсис дода шудааст, ки дар ҳамдастӣ бо мақомоти иҷроияи ҳокимияти маҳаллӣ ва мутахассисон, бо мақсади ошкор намудан ва несту нобуд кардани кишти ғайриқонунии растаниҳои нашаъдор ва худрӯй дар ҳамаи хоҷагиҳо, ошкору пешгирии интиқоли ғайриқонунии моддаҳои нашаъовар фаъолият мебаранд.