СОҲИБКОРОНИ ТОҶИКИСТОНУ АРАБИСТОНИ САУДӢ БА ҲАМ МЕОЯНД
Душанбе, 22 май. (АМИТ «Ховар», Жасмин Назарова). — Субхи рӯзи 22 май ҳайати баландмартабаи соҳибкорони Арабистони Саудӣ аз ҷониби Муовини аввали Сарвазири Ҷумҳурии Тоҷикистон пазируфта шуданд. Тавре ба хабарнигори АМИТ «Ховар» дар Кумитаи давлатии сармоягузорӣ ва идораи амволи давлатии Ҷумхурии Тоҷикистон иттилоъ доданд, ҳайат зери роҳбарии Абдурахмон ибни Алӣ ал-Сирайсӣ — муовини раиси Шӯрой Палатаҳои Саудӣ, раиси Палатаи тиҷоратӣ-саноатӣ дар ар-Риёз, Юсуф Абдуллоҳ, ал-Авҳал, Роҳбари барномаи Саудӣ оид ба рушди содирот, Доктор Акилӣ Зайфуллоҳ Ҳавоҷӣ — директори Генералии лоиҳаи «Янбуъ», ташкилоти подшоҳии минтақаҳои ал-Ҷибайл ва Янбуъ ширкат доранд. Ба ҳайати соҳибкорони Арабистони Саудӣ намояндагони соҳаҳои гуногун, аз ҷумла туризм, хариди маҳсулотҳои кишоварзӣ, асал, обҳои нӯшокӣ, тандурустӣ, маориф ва ғайраҳо шомил мебошанд. Дар баробари ин, аз ҷониби соҳибкорони Арабистони Саудӣ лоиҳаҳои инвеститсионӣ дар соҳаҳои афзалиятноки хоҷагии халқ, ба монанди коммуникация, энергетика, саноат, туризми экологӣ, кӯҳӣ, саломатӣ ва шикорчигӣ, хоҷагии об, кишоварзӣ ва коркарди маҳсулоти кишоварзӣ ва коркарди нафту газ муаррифӣ гардиданд.
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
Имрӯз дар баъзе ноҳияҳои кӯҳии Тоҷикистон бориши борону барф пешгӯӣ мешавад
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
