СОЛИ ИМТИҲОНИҶИДДӢ БАРОИ КИШОВАРЗОН

                         Душанбе, 25 май. (АМИТ «Ховар», Лаззат Диловарзод).- Соли 2009 бо тамоми душвориҳои дар натиҷаи офати табиӣ рух дода чун соли имтиҳони ҷиддӣ барои тамоми истеҳсолкунандагони маҳсулоти кишоварзӣ ва саноатӣ боқӣ хоҳад монд, — иброз дошт раиси ноҳияи Рӯдакӣ Мансур Қодиров ба мухбири АМИТ «Ховар».                          Дар натиҷаи боронҳои пай дар паи моҳҳои март-майи соли ҷорӣ дар ҳудуди ҷамоатҳои «Роҳатӣ» ва «Зайнабобод» наҳру каналҳо аз сангу шағал ва лойу гил пур шуда дар баъзе ҷойҳо наҳрҳо канда шуда ба киштзорҳои ноҳия хисороти зиёд ворид карданд.                            Баро тоза кардани каналу иншоотҳои гидротехникӣ аз қувваи Кумитаи ҳолатҳои фавқулодда ва мудофиаи граждании дар маҳал буда истифода карда, ҳамаи камбудиҳо бартараф карда шуданд.                          Селхаробаҳои деҳаи Моинкаҷ, селпартои Шӯраксой, наҳрҳои деҳаҳои Садоқат, Алибой, Гулобод тоза карда шуданд.                        Маблағи зарар92,8 ҳазор сомониро ташкил дод. Барои ҷалби техника да ин кор 8 248 литр сӯзишворӣ сарф карда шудааст.