ТАҶЛИЛИ 80 – СОЛАГИИ ОЛИМИ МАШҲУР

                       Душанбе, 18 май. (АМИТ «Ховар», Лутфия Эшонқулова). — Дар Донишгоҳи давлатии тиббии ба номи Абӯ Алӣ ибни Сино бахшида ба 80 — солагии рӯзи таваллуди олими машҳури соҳаи тиб, доктори илми тиб, профессор Минҳоҷ Ғуломов конфронси илмӣ баргузор гардид. Дар конфронс олимон, роҳбарону намояндагони ташкилоту идораҳои пойтахт, вазорати тандурустӣ, муаллимон ва донишҷӯёни Донишгоҳи давлатии тиббӣ ширкат варзиданд.                       М.Ғуломов асосгузор ва ташкилкунандаи марказҳои табобатии бемориҳои асаби мамлакат ба шумор меравад. Ӯ муаллифи китоби дарсии «Психатрия» мебошад, инчунин, 400 асару мақолаи илмӣ бахшида ба проблемаҳои гуногуни соҳаи тиб ба қалами ӯ тааллуқ доранд. М.Ғуломов тӯли солҳои фаъолияташ бештар аз 400 олими соҳаи тиб тайёр намудааст.